बॉलिवूड अभिनेता रणवीर सिंगच्या बहुप्रतिक्षित ’83’ या चित्रपटाची चाहते आतुरतेने वाट पाहत आहेत. नुकताच या चित्रपटाचा टीझर प्रदर्शित झाला असून ट्रेलर 30 नोव्हेंबरला प्रदर्शित होणार आहे.
दरम्यान, रणवीर सिंग आणि त्याची पत्नी दीपिका पदुकोण यांनी चित्रपटाचे नवीन पोस्टर (Movie 83 New Poster) शेअर केले आहे. दीपिका पदुकोण देखील ’83’ चित्रपटात त्याच्या पत्नीची भूमिका साकारत आहे. रणवीर सिंग आणि दीपिका पदुकोण यांनी त्यांच्या संबंधित इंस्टाग्राम अकाउंटवरून ’83’ चित्रपटाचे नवीन पोस्टर शेअर केले आहे. या पोस्टरमध्ये रणवीर सिंग संघाचा कर्णधार दिसत आहे. एका हातात बॅट आणि दुसऱ्या हातात हेल्मेट घेऊन तो आनंदाने धावताना दिसत आहे. त्याचवेळी संपूर्ण टीम त्यांच्या मागे उत्साहाने धावताना दिसत आहे.
रणवीर सिंग आणि दीपिका पदुकोणने नवीन पोस्टरसोबतच्या कॅप्शनमध्ये लिहिले की, ‘जसे लोक म्हणतात की एकदा यशाची चव चाखली की जिभेला त्याची चटक लागते- कपिल देव, 1983.
2 दिवसांनी 83 चित्रपटाचा ट्रेलर येणार आहे. हा चित्रपट 24 डिसेंबर 2021 रोजी हिंदी, तमिळ, तेलुगु, कन्नड आणि मल्याळम भाषेत चित्रपटगृहांमध्ये प्रदर्शित होत आहे. हा चित्रपट 3D मध्ये देखील प्रदर्शित होणार आहे.
कबीर खान दिग्दर्शित ’83’ 1983 च्या क्रिकेट विश्वचषकातील भारताच्या विजयावर आधारित आहे. या चित्रपटात रणवीर सिंग क्रिकेट संघाचा कर्णधार कपिल देव यांची भूमिका साकारत आहे. त्याचवेळी दीपिका पदुकोणने त्याची पत्नी रोमी भाटियाची भूमिका साकारली आहे.
रणवीर सिंगच्या वर्कफ्रंटबद्दल बोलायचे झाले तर, ’83’ चित्रपटाव्यतिरिक्त तो आणखी दोन चित्रपटांमध्ये दिसणार आहे. तो रणवीर सिंगच्या ‘रॉकी और रानी की प्रेम कहानी’ या चित्रपटात आलिया भट्टसोबत आणि जॅकलीन फर्नांडिस आणि पूजा हेगडेसोबत ‘सर्कस’मध्ये दिसणार आहे.
